Entre a terra e as estrelas

Poemario centrado na Vía da Prata ou Camiño Mozárabe dende Laza (Ourense) ata Santiago de Compostela no que a través da mirada dunha peregrina se nos vai amosando a historia, a paisaxe e as lendas dos lugares polos que pasa. Neste percorrido amósanos o dano que o ser humano lle fai ó noso planeta nun intento desesperado de poñerlle freo ó cambio climático, un canto á natureza, ao medio onde vivimos, ao Camiño de Santiago. Acompáñase de ilustracións a cor que determinan os catro grandes bloques desta andaina poética: a peregrina, os catro elementos (auga, terra, lume e aire), a nada e Campus Stellae.