Mamá, sorrí sempre

Relatos de corte autobiográfico nos que a autora, a xornalista Ana Cela, narra a súa experiencia persoal ante a ansiedade e a depresión. Experiencias propias para falar con propiedade da saúde mental. Para iso, hai que estar mergullado nese pozo, todo o demais son teorías e opinións que, en esencia, non serven para nada. Primeiro, porque tenden a ridiculizar e subestimar estas doenzas da alma e, segundo, porque un non pode facer un retrato fidedigno do demo se nunca o mirou á cara.